मी, माझे अन मला

मी, माझे अन फक्त मलाच बघतो
अतिरेक होता तो आरसा फुटतो
प्रतिबिंबाचे तुकडे हजार करतो
शब्दबंबाळ कवितेला विषय पुरवतो

कधी ठरवतो मी मग आतून
हुसकून लावीन सारे मीपण
मुहूर्त शोधतो उठतो लवकर
ध्येयाचा त्या ध्यास भयंकर

पण मीपण म्हणजे नक्की काय
कुणाला घालवायचं काही कळत नाय

शून्यात कधी मग मी जातो
अवघा शून्यची उरून बसतो
निराश मनाने विचार करतो

वळतो, पळतो अन पेटवतो
साला सुंभ जळला तरी पीळ उरतो

भाषेतून काढले जर मी, मला अन माझे
भावना काय व्यक्त कराव्या 'तुझ्या', 'त्याच्या' संबोधाने
त्यापेक्षा करीन म्हणतो या शब्दांचा वापर संयमाने
बघूया... किती जमतंय ते..

Cities I've visited!

All other cities which are not pinned are on my wishlist!! :)

1. Bangalore, India


2. Chandigarh, India


3. Nashik, India


4. Pune, India


5. La Jolla, CA, USA


6. San Diego, CA, USA

• Create your own travel map or travel blog


• TripAdvisor: airfare deals

रोहित जोगळेकर याला मी लिहिलेले ओर्कुट टेस्टीमोनीअल...

या प्राण्याबद्धल काय लिहावे काही सुचत नाहीये... पण काहीतरी खरडीन म्हणतो...
१०-१२ वर्षे जो माणूस तुमचा सख्खा मित्र आहे त्याच्या बद्धल थोडे तरी लिहीता आलेच पाहिजे नाही का!?
काय... तुमचे काय मत आहे या बद्धल!? ;-)

असो... पहिली गोष्ट जी याला पाहिल्यावर लक्ष वेधून घेईल ती म्हणजे याचे अशक्य कोकणस्थी घारे डोळे
आणि सोनेरी केस!! (केस हल्ली थोडे दुर्मिळ झालेत पण आहेत अजूनही काही शिल्लक... )
[याच रंग, डोळे अन् केसांमुळे यास बगळ्या, गोऱ्या वगैरे (प्रेमळ!?) टोपण नावे पडली आहेत!]

ओळख झाल्यावर हळूहळू याच्या जिभेवरचा कोकणस्थी डंख सुद्धा लक्षात येईल... शेपटीवर पाय
ठेवण्याचा केवळ अविर्भाव जरी केलात तरी कडकडून डंख बसेल... तेव्हा जरा जपूनच असलेलं बरं...

काही थोडे बरे गुण सुद्धा आहेत तसे याच्यात... अगदीच नाही असं नाही...
उदाहरणार्थ, ...उम्म्म... काय बरं.... हां...
पुलंचा निस्सीम चाहता आहे हा... त्यांच्या कथाकथनातली वाक्ये लीलया फेकत असतो!
प्रचंड ट्रेकाड्या (म्हणजे ट्रेकाडपन्थी!) माणूस आहे!
आणि हो भलताच "गाता गळा" आहे.. विशेषतः 'सोनू निगमा' ची गाणी छान म्हणतो!
आणि हो... Mouth Organ झक्कास वाजवतो...

आरेच्या... "काही" बरे गुण म्हणता म्हणता बरेच 'गुण' लिहीले की मी इथे...
एका कोकणस्थाने दुसऱ्या कोकणस्थाची सलग चार ओळींपेक्षा जास्त स्तुती करणे 'allowed' नसते...
म्हणून आता थांबतो... :-)

एकंच सांगेन म्हणतो... स्वतःची काळजी स्वतः घेण्यास, तात्विक अन् कधी कधी अध्यात्मिक(!) चिडचीड सहन करण्यास समर्थ असाल तर एकदा रोहितला नक्कीच भेटा... Its worth taking risk! Really!! ;-)
कुठल्या तरी किल्ल्यावर किंवा बादशाही मध्ये किंवा पुणे बोर्डिंग हाउस किंवा KPIT मध्ये आढळू शकतो!

रोहीत मित्रा, सहीये! असाच दंगा करत रहा!!

बाकी काय? आपण सुज्ञ आहात असे गृहीत धरतो आणि आपली रजा घेतो! :-)

धन्यवाद!
निखिल मनोहर.

आर्चिस गाडगीळ याला मी लिहिलेले ओर्कुट टेस्टीमोनीअल...

---------------------------------------------------------------------------
लिहायचं ठरवलं तर या माणसाबद्धल मी 4-5 पाने (वहीची.. झाडाची नव्हे!) तरी सहज लिहू शकेन!
पण या ठिकाणी तुम्हां लोकांना पकवण्याचा (किंवा घाबरवण्याचा!) उद्देश नसल्याने थोडक्यात आवरीन म्हणतो.
अनं असंही कोकणस्थांना फार घोळ घालणं शोभत नाही आणी 'allowed' तर नसतंच नसतं! [;)]

तरीही तुम्हास हौस असेल तर (असते एकेकाला..) आणी अधिक माहिती (सिक्रेट्स??) हवी असल्यास कधीही भेटा...
इत्यंभुत (होय मराठी शब्दय हा..!) माहिती देईन..

असो... नमनाला घडाभर तेल झाले.. आता सरळ मूळ मुद्यावर येतो (आलारे एकदाचा!)

आर्चिस... या माणसाच्या वेगळेपणाची सुरवात याच्या नावापासुनच होते..
हा माणूस 'प्ल्यानिंग' चा बादशहा आहे... तसं प्ल्यानिंग तर खूप लोक करतात पण आर्चिस ची विलक्षण गोष्ट म्हणजे हा प्राणी त्यातले जवळपास 10% प्लान्स खरे पण करतो.. 10% खूप जास्त होतात..माझ्या सारख्या सामान्य माणसाची ही टक्केवारी बहुदा 0.05% असावी...
काय तुमचे काय मत आहे या बद्धल? एकदा आपल्याशी सविस्तर चर्चा करायचीये या बाबतीत..[;)] (अ'पू.ल.'कीत लोकांना ही कोटी समजणार नाही.. तरी क्षमस्व! )

कधी भेटलात (जरूर भेटा!) तर या माणसाचे खिसे तपासा(जपून).. मी लिहून देतो की याच्या खिशात नक्की 'आजची कामे' अशी लिस्ट सापडेल!

एकटं रहात असूनही घर एवढे स्वच्छ ठेवणारे लोक तसे विरळा.. आर्चिस त्यातला एक आहे हे सांगणे 'न'लगे!

काही राक्षसांचा जीव कसा पोपटात वगैरे असतो..तसा आर्चिसचा जीव लॅपटॉप, चारचाकी, स्प्लेंडर, कॅमेरा इत्यादी गोष्टींमध्ये थोडा थोडा वाटलेला आहे!

लेका आठवतंय का आपण अनेकदा नाशकात कॉलेजरोडवर, पुण्यात, हो आणी एकदा जीवधनच्या रस्त्यावर तुझी स्प्लेंडर घेऊन किती दंगा केलाय, किती पाठलाग(!) केलेत... 'सोनेरी दिवस' दुसरं काय!

या पुढचं इंग्रजी भाषेत लिहावं का? नको.. मराठी भाषेतल्या शब्दांमध्ये जी विलक्षण ताकद आहे ती त्या वाघिणीच्या दुधात(!) नाही.. काही लोक याला कुत्च्छितपणे 'कोल्ह्यास द्राक्ष आंबट..' असेही म्हणू शकतात.. म्हणोत बापडे!
(वाह वाह! काय पण वाक्यरचना सुचताहेत आज...शाब्बास निखिल! सॉफ्टवेअर कंपनी मधून 'ले-ऑफ़' झाल्यास कुठल्याश्या वर्तमानपत्रात 'आजचे राशी-भविष्य लिहीणारा' म्हणून काम मिळण्याची शक्यता वाढून पोटा-पाण्याचा प्रश्न तरी सुटेल! [;)] )

असो.. हे थोडे(?) विषयांतर झाले...

या मुलाने (की माणसाने?) मला वेळोवेळी वेगवेगळ्या प्रकारे प्रचंड मदत केलीये.. मुख्यतः काही निर्णय घेण्यात..
आहे ड्यूड माझ्या लक्षात आहे सगळं!

हा बेट्या आता लग्न देखील करतोय.. तेही 'लव्हा'तलं मॅरेज!
मित्रा तुझ्या आयुष्यातल्या समस्त घडामोडींसाठी आणी एकंदर सगळ्याचं गोष्टींसाठी तुला मनःपूर्वक शुभेच्छा!

असाच्च दंगा करत रहा!
मी प्रार्थना करतो की साउथ आफ्रिका, बंगलोर, पुणे, अमेरिका अशी आपली भटकंती संपली की कधीतरी आपण पुन्हा
एकदा एकाच देशात आणी मुख्यतः एकाच शहरात रहात असू!
या गोष्टीवर चीअर्स!

आपला कृपाभिलाषी(!),
मनोहरांचा निखिल~

(या कृपाभिलाषी शब्दाचा अर्थ मला कोणीतरी सांगा रे.. बक्षिस देईन! बहुदा 'दयेस पात्र' असा अगदीच गरीब अर्थ असावा.. पण करता काय? सगळे वापरतात..मीही वापरतो झालं!)

ता.क्.
वरील लिखाणात माझ्याकडून कुणाच्या कासोट्याला (अर्थात सोडण्यासाठी!) चुकून हात घातला गेला असेल तर क्षमस्व!
बाकी तुम्ही लोक सुज्ञ आहात असे गृहीत धरतो आणी आपली रजा घेतो! [:)]

एक कविता...

एक फारशी मनावर न घेण्याजोगी कविता... ;-)

काहीसा उद्वेग आणी बरीचशी शांतता
आकाशाची ओढ़ आहे अजुनही धरेला
2 ओळी तर सुचल्या
उरलेल्या 2 साठी भेटा संदीप खरेला :-)


'धरेला' आणी 'खरेला' हे 2 शब्द जरा मोठ्याने वाचल्यास यमक जुळल्याचा भास होईल... ;-)